Konferanser om fattigdom

I år som i fjor arrangerer Norad fattigdomskonferanse 16. oktober. Norad samarbeider også med fleire ungdomsorganisasjonar i å lage ungdomskonferansen "2015: mission possible?" 15. oktober. Du kan melde deg på her på Norads nettstad.

- Vi er veldig fornøgde med programmet i år, og ser fram til å delta i spanande diskusjonar om utdanning. Vi håpar at mange som er interesserte i utviklingssamarbeid ønskjer å delta, seier fungerande kommunikasjonsdirektør Tor-Henrik Andersen.

Årets konferansar handlar om utdanning og Tusenårsmål nr 2: Alle gutar og jenter skal få gå på skule innan 2015.

Ungdomskonferanse
Norad samarbeider med LNU, OD, Fredskorpset og andre ungdomsorganisasjonar om en ungdomskonferanse 15. oktober på Fabrikken. Konferansen heiter "2015: mission possible?" og er mynta på ungdom mellom 17 og 25 år som er interessert i utviklingssamarbeid.

Fattigdomskonferanse
Fattigdomskonferansen skal nå bistandsbransjen, politikarar og representantar for ulike politiske organisasjonar, lærarar, akademikarar og forskningsmiljø og media. Du finn påmeldingsskjema på www.norad.no/fattigdomskonferanse!

Hovudinnleiarane vil kome med utfordringar som deltakarane deretter diskuterer i workshops. Følgjande innleiarar stiller på konferansen:

Mark Malloch Brown, Leder av UNDP
Utdanningsministeren i Nepal, Mr.Hari Bahadur Basnet
Mrs Barbara Chilangwa Departementsråd i det Zambiske Utdanningsdepartementet
Kristen Clemet, Utdannings- og forskningsminister
Hilde Frafjord Johnson, Utviklingsminister