Samarbeid mellom folk i Noreg og Søraust-Europa
Ordninga tek særleg sikte på å støtte opp under og virke som ei "fødselhjelp" til samarbeid mellom lokalsamfunn i Noreg og på Balkan. Vi ønskjer eit breitt engasjement i Noreg og vil difor særleg prioritere nye aktørar som søkjer, seier Finn Arne Moskvil som leier Enhet for sivilt samfunn i Norad.
Norad gav nyleg tilskott til tiltak som skal gjennomførast første halvdel av 2006.
Neste søknadsfrist er 15. mars 2006.
Norad kan støtte tidsavgrensa tiltak innan områda:
• kapasitetsbygging
• utvikling av jordbruk eller anna næringsverksemd
• kultursamarbeid
• styrking av det sivile samfunnet
• gjenoppretting og rehabilitering
• sosiale tiltak
Tiltak vert støtta i den føderale republikken Jugoslavia (Serbia, Montenegro og Kosovo-provinsen), Bosnia-Hercegovina, Kroatia, den tidlegare Jugoslaviske republikken Makedonia og Albania.
Tiltaka bør medverke til og trygge lokal økonomisk bærekraftig utvikling, skape demokratiske haldningar, verne om menneskerettane og/eller medverke til å førebyggje konfliktar og styrkje det multi-etniske samarbeidet.
Kven kan søkje om støtte?
- Norske kommunar, institusjonar, lokale grupper, lag og foreiningar eller andre samanslutningar med ein juridisk ansvarleg person kan få støtte. Særleg nye søkjarar vert oppmoda om å søkje, seier Moskvil.
Han legg stor vekt på at prosjektet skal gjennomførast i nært og aktivt samarbeid med ein lokal samarbeidspartner, ha brei forankring i lokalsamfunnet og vere knytta til samarbeidspartnerens uttrykte behov.
Eksempler på prosjekt som har fått tilskott:
Venstres Opplysningsforbund i Nord-Trøndelag har fått støtte til å publisere illustrerte barnebøker (seinast i 2005) med tema som har toleranse og sameksistens som bakteppe, der spesielt kvinner og jenter vert løfta fram.
Prosjektet mottok støtte fordi dei fleste barnebøkene på albansk blei destruert på 90-tallet, og dei som framleis er tilgjengelige er stort sett Disney-hefter eller albanske sagn med valdeleg innhald. Bøkene blei publisert med tekst på både albansk og norsk.
Slik kan også norske barn lese bøkene, som er tilgjengelege i Noreg via Deichmanske bibliotek i Oslo. Bøkene blei trykt i eit opplag på 10.000 og blei distribuert på skular og bibliotek i heile Kosovo, samt delt ut til barn i fattige, utsette områder. I oktober 2005 blei prosjektet "Inspirational Literature for Children and Youths" kåra til Kosovos beste prosjekt etter krigen, av Utdanningsministerens Kontor i Kosovo. Organisasjonen fekk nyleg støtte til å lese bøkene inn på CD våren 2006, slik at barnebøkene også vert tilgjengelege for synshemma barn og unge.
Norad har også støtta prosjektet "Tutti 2008" som er et samspel-prosjekt for unge musikarar frå Trondheim og byane Mostar, Trebinje, Sotlac og Sarajevo i Bosnia-Hercegovina (BiH) og romain-ungdom frå Bonijik i Serbia. Målet med prosjektet er å oppnå ei fleirkulturell forståing ved bruk av musikk på tvers av etniske motsetningar. Organisasjonen har fått støtte til blant anna å halde ein workshop i 2005 der barn og unge frå Trondheim og dei ulike byane i BiH og ifrå Bonijik samlast for å øve saman.
Strand vidaregåande skule (vgs) i Sandnes har fått støtte til eit prosjektet som skal bidra til å fremme ei samfunnsutvikling basert på demokratiske verdiar. Ein ønskjer å oppnå dette ved å etablere modellar for demokratitrening for unge menneske, med særleg utgangspunkt i norske elev- og ungdomsråd, men som er tilpassa lokale behov. Her samarbeider Strand vgs. med ulike skular i både Kroatia, Bosnia i Serbia og Montenegro. Skulen har hovudsakleg fått dekka kostnadane til reise og opphald knytta til to samlingar der demokrati var agendaen - høvesvis i Sandnes og ein i Labbin i Kroatia.
Norad legg vekt på i kva grad tiltaka:
• er eit resultat av/vil bidra til et breitt folkeleg engasjement lokalt i Noreg og i vedkommande land i Søraust-Europa.
• blir gjennomført i samarbeid med lokale og/eller nasjonale styresmakter
• bidreg til samvirke på tvers av etniske skillelinjer
• involverer ulike grupper i lokalsamfunnet
• bidreg til kompetanseoppbygging og/eller opplæring av lokalt personell
• bidreg til å styrke lokale organisasjonar
• legg til rette for heimvending av flyktningar og/eller internt fordrivne
• kan supplerast med lokalt innsamla midlar
Les om tilskuddsordninga: