Norsk bistand har mykje å bli betre på
Likestilling har ikkje blitt godt nok integrert i det norske bistandsarbeidet, syner Norad sin årsrapport over evalueringane av norsk utviklingssamarbeid i 2006. Ønsket om å få likestilling til å bli eit tema som går på tvers i bistanden har så langt slått feil.
Eit anna område bistanden kan bli betre på, er samarbeid og opplæring. I dag er det mykje fagleg samarbeid og opplæring mellom departement og organisasjonar i Noreg, og tilsvarande i fattige land. Evalueringa av dette samarbeidet syner at det så langt ser ut til å ha vore meir til nytte for personane som har delteke i utvekslinga, enn sjølve institusjonen. På dette område treng ein finne ei betre form for samarbeid og opplæring.
Når det gjeld nødhjelp, har det vore lett å oversjå dei nasjonale og lokale kreftene. Det synte evalueringa av Tsunami-bistanden sist år, og det same har kome fram i tidligare evalueringar.
Av dei gode erfaringane rapporten trekk fram, kan ein nemne den norske støtta som går direkte til statsbudsjetta i samarbeidslanda. Denne har vist seg å vere effektiv for den offentlege forvaltinga i utviklingsland. Slik bistand gir betre oversikt og ansvar for bruken av midlane hos både givar og mottakar.
Årsrapporten er ei samanfatning av alle evalueringane Norad har vore med på i fjor gjennom eksterne fagmiljø.
Om Norads evalueringar
Evalueringsavdelinga i Norad har ansvar for å planlegge og gjennomføre uavhengige evalueringar av aktivitetar som vert finansiert over det norske utviklingsbudsjettet. Evalueringane vert gjennomført at eksterne fagmiljø som er nøytrale og uavhengige av kontroll frå dei som har ansvar for planlegging og gjennomføring av tiltaka. Formålet med evalueringa er å dokumentere resultat og samle erfaring.
Rapporten
Årsrapporten "Evaluering av norsk utviklingssamarbeid" kan du laste ned her:
Last ned rapporten (PDF, 601Kb)
Rapporten frå dei ulike evalueringane finn du her:
Kontaktinfo
Asbjørn Eidhammer, avdelingsdirektør for evaluering, tlf: 22 24 03 67
Tale Kvalvaag, seniorrådgivar, tlf: 22 24 26 44
Norads pressetelefon, tlf: 977 14 966