Spennande evalueringskonferanse i mai
Norad og Høgskolen i Oslo innbyr til spennande konferanse om evaluering av det komplekse 29.-30. mai i år. Hovudtemaet er valt fordi mange av oss står overfor store utfordringar når det gjeld å evaluere offentlege program og tiltak i ei verd som synest å bli stadig meir innfløkt, og der det blir vanskelegare å vurdere verknadene av ulike reformar, program og tiltak.
Det foregår ein internasjonal debatt om korleis ein kan måle slike effektar, ein debatt som også er til stades i Norge. Fleire internasjonalt kjende namn står på talarlista, i tillegg til sterke norske innleiarar.